გუშინ, ორგანიზაცია „ალტერნატივას“ წევრებმა ხულოს შემდეგ, შუახევში გადაინაცვლეს. ისინი მაჟორიტარ, ანზორ ბოლქვაძის, ბიუროში შესვლა და სტიკერების გაკვრა, წარწერით „მონა“ უნდოდათ. აქციის მონაწილეებს ოფისში შესვლის საშუალებას არ აძლევდნენ მერიისა და საკრებულოს თანამშრომლები, ასევე „ქართული ოცნების“ მხარდამჭერები. ადგილი ჰქონდა სიტყვიერ და ფიზიკურ დაპირისპირებას, რომელშიც მერის მოადგილე რუსუდან შავაძე აქტიურად მონაწილეობდა.
მხარეებს შორის დაპირისპირებისას რუსუდან შავაძემ არასამთავრობო ორგანიზაციის წარმომადგენელს ფიზიკურად შეეხო. მერის მოადგილე ხათუნა ბერიძეს თმებში სწვდა. "შუახეველმა კაცებმა შენ თუ შეგარჩინეს ის შეურაცხყოფა" - უთხრა ინციდენტისას მერის მოადგილემ მესამე სექტორის წარმომადგენელს.
მერიის შენობაზე გაკრული სტიკერები „ქართული ოცნების“ მხარდამჭერებმა მოხსნეს და აქციის მონაწილეებს ზონდერები უწოდეს.
შუახევში მომხდარ ინციდენტზე გამოძიება, სისხლის სამართლის კოდექსის 126-ე მუხლით დაიწყო, რაც ძალადობას გულისხმობს. მუნიციპალიტეტის პირველმა პირმა კადრებში დანაშაულის ნიშნები ვერ დაინახა. ფრიდონ ფუტკარაძე ახლა გამოძიების შედეგებს ელოდება, რომლის შემდეგაც მისი რეაგირება ფაქტზე კანონის შესაბამისი იქნება.
არასამთავრობო ორგანიზაციაში მომხდარს უარყოფითად აფასებენ. ანა მდინარაძე საჯარო მოხელის ქმედება აქტივისტის მიმართ არაეთიკურს უწოდებს.
რატომ მონაწილეობდა მაღალი თანამდებობის პირი ძალადობრივ პროცესში? რუსუდან შავაძე TV 25-ის გადამღებ ჯგუფს ემალება, იგი ჩვენს სატელეფონო ზარებს არ პასუხობს.
1
s
s
s