მიუხედავად იმისა, რომ ჩვენი მომდევნო სიუჟეტის გმირები მძიმე სოციალურ პირობებში არიან, არის მათ ყოფაში ის, რაც ყველას გაგაკვირვებთ. დუმბაძეების ხანდაზმული წყვილი გონიოში, ვაგონში ცხოვრობენ. მათ მდგომარეობას ჯანმრთელობის პრობლემებიც ამძიმებს.
დიახ, ეს მათი სახლია, სადაც ზაფხულში სუნთქვა ჭირს, ხოლო ზამთარში აუტანელი სიცივეა. ყოველი გაწვიმებისას ოთახში ისე წვიმს როგორც გარეთ. მარტოხელა ცოლ-ქმარი წლებია გონიოში ვაგონში ცხოვრობენ.
სოციალური დახმარება ხანდაზმულებს წლების მოუხსნეს. მათი ერთადერთი შემოსავალი პენსიაა. გვიყვებიან, რომ ხშირ შემთხვევაში მშივრები იძინებენ. იმის გამო, რომ საარსებო მინიმუმი არ გააჩნიათ, შვილები ნათესავებთან ცხოვრობენ
უკიდურესად გაჭირვებულებს ჯანმრთელობის პრობლემებიც აქვთ. თანხების არ ქონის გამო კი წამლების ყიდვასაც ვერ ახერხებენ.
ვაგონში მცხოვრებლების მძიმე სოციალურ პრობლემებზე საუბრობს მეზობელიც. ნანული სურმანიძე ამბობს, რომ სახელმწიფომ რეაგირება დროულად უნდა მოახდინოს.
ოჯახის გაჭირვების შესახებ ინფორმირებული არიან ბათუმის სოციალური მომსახურების სააგენტოში. დირექტორის მოადგილის განმარტებით, დუმბაძეებს დახმარება მაღალი სარეიტინგო ქულების გამო მოუხსნეს. ერთადერთი გამოსავალი კი ორგანიზაციისთვის ხელახალი გადამოწმების მიზნით განცხადებით მიმართვაა.
აღუდგება თუ არა დუმბაძეების დაკარგული სტატუსი, ეს იმაზეა დამოკიდებული, რამდენ ქულას მიანიჭებს სააგენტო ოჯახს განმეორებითი შესწავლის შემდგომ.
5
s
s
s