08, დეკემბერი 2019 21:16:00
თიანეთის გზაზე 16 წლის ბიჭს, რომელიც მოპედზე იჯდა მანქანამ გაიტანა. არასრულწლოვანი მრავლობითი მოტეხილობებით ქართულ-ჰოლანდიურ კლინიკაშია გადაყვანილი. მას მკურნალობა ამ დრომდე უტარდება. შემთხვევა 3 დღის წინ მოხდა. მოზარდის მდგომარეობა მძიმეა.
„პრაიმტაიმმა“ კლინიკაში სცადა ბავშვის მდგომარეობის შესახებ ინფორმაციის გადამოწმება, თუმცა ამ ეტაპისთვის კლინიკაში გვითხრეს, რომ პაციენტს ყველა საჭირო პროცედურა უტარდება და სხვა ინფორმაციას ამ ეტაპისთვის ვერ გასცემენ. შსს ცნობით, ბიჭი სატვირთო მანქანას დაეჯახა. ავარიის ფაქტზე მიმდინარეობს გამოძიება.