09, დეკემბერი 2019 20:50:00
მოუწესრიგებელი ინფრასტრუქტურით გამოწვეული პრობლემები ქობულეთში. არაერთი მოთხოვნა, ერაერთი ვიზიტი მერიაში და ისევ უყურადღებოდ დარჩენილი მოქალაქეების პრეტენზიები ხელმძღვანელობის მხრიდან. დაგვაში მცხოვრობლები წლებია გზის კეთილმოწყობას ითხოვენ. პრობლემა იმდენად მასშტაბურია, რომ სოფელში მიღწევა უჭირთ სასწრაფო დახმარების ბრიგადებს, მოსახლეობა კი ციტრუსის რეალიზებას ვერ ახერხებს.
დაგვაში მცხოვრებლები მოუწესრიგებელი საგზაო ინფრასტრუქტურით გამოწვეულ ყოველდღიურ პრობლემებზე საუბრობენ. ადგილობრივები ამბობენ, რომ შიდა სასოფლო გზაზე, რომლითაც ათობით ოჯახი სარგებლობს, სარეაბილიტაციო სამუშაოები, წლებია, არ ჩატარებულა. მათივე თქმით, იმის გამო, რომ სოფლის მიმართულებით გადაადგილება პრაქტიკულად შეუძლებელია, საარსებო წყაროდ ქცეულ ციტრუსსაც ვერ ყიდიან.
ადგილობრივების თქმით, მუნიციპალიტეტის თვითმმართველობაში არაერთი მიმართვის მიუხედავად, მათი მოთხოვნები რეაგირების გარეშე რჩება. ამბობენ, რომ ქობულეთის მერიიდან დაპირებებს ისმენენ, თუმცა არაფერი კეთდება.
ქობულეთის მერიამ სატელევიზიო კომენტარი არ გააკეთა, წერილობით კი გვიპასუხეს, რომ:
ადგილობრივები გზის რეაბილიტაციას ითხოვენ. იმ შემთხვევაში, თუ მისი კეთილ მოწყობა ახლო მომავალში არ დაიწყება, მოსახლეობა აქციების აანონსებს.