მასაჟის 12 სალონში დღეს პოლიციის თანამშრომლები ერთდროულად შევიდნენ. ძველი ბათუმის ტერიტორიაზე მათ საგამოძიებო მოქმედებები დაიწყეს. საქმეს პროსტიტუციისთვის ფართის გადაცემის მუხლით იძიებენ.
ობიექტების მეპატრონეები დღეს ადგილზე არ გამოჩენილან. ბუღალტერმა კი რომელიც ერთდროულად რამდენიმე მასაჟის სალონს უწევს მომსახურებას, აღნიშნა, რომ ადგილზე პოლიციის ზარის შემდეგ მივიდა და ფაქტზე ინფორმაციას არ ფლობს.
სალონების მიმდებარედ მცხოვრების და დასაქმებულების მტკიცებით, იმის შესახებ თუ რა საქმიანობას ეწევიან ობიექტებში ინფორმაციას არ ფლობენ, თუმცა ძველი ბათუმის ტერიტორიაზე ღამის საათებში არასასიამოვნო ფაქტების მომსწრე რამდენჯერმე თავადაც გამხდარან.
ფაქტზე გამოძიება სისხლის სამართლის კოდექსის 254-ე მუხლით მიმდინარეობს, რაც პროსტიტუციისთვის ფართის გადაცემას გულისხმობს.
3
s
s
s