08, მაისი 2017 17:04:00
ქობულეთის პროფესიულმა კოლეჯმა „ახალი ტალღა“ ბათუმში გადამზადების ახალი ცენტრი გახსნა, სადაც სტუდენტები მოკლევადიან გადამზადების ტრენინგ-კურსებს სხვადასხვა ავტორიზირებულ პროგრამებზე გაივლიან. ცენტრი დღეს საქართველოს და აჭარის განათლების მინისტრებმა დაათვალიერეს და სასწავლო პროცესებს გაეცნენ. ასევე შეხვდნენ კერძო სექტორისა და დასაქმების სააგენტოების წარმომადგენლებს და სამომავლო პროგრამების განხორციელებასა და გადამზადებული სტუდენტების დასაქმებაზე ისაუბრეს. კოლეჯთან ერთად დღესვე ალექსანდრე ჯეჯელავამ ბათუმში კერძო სკოლა „გორდას“ ახალი შენობაც დაათვალიერა. სკოლაში ამ ეტაპზე 400-მდე მოსწავლე სწავლობს.