25, დეკემბერი 2019 18:42:00
პრეზიდენტმა და მისმა ადმინისტრაციამ 2019 წლის 10 თვეში, მივლინებებში ერთი მილიონ 400 ათას ლარზე მეტი დახარჯა. სამივლინებო ხარჯების შესახებ საჯარო ინფორმაცია „ინტერპრესნიუსმა“ პრეზიდენტის ადმინისტრაციისგან გამოითხოვა. 10 თვეში დაწესებულებამ სხვადასხვა ქვეყანაში დაახლოებით 40-მდე ვიზიტი განახორციელა, რაშიც ერთი მილიონ 417 ათას 534 ლარი დაიხარჯა. უშუალოდ პრეზიდენტ სალომე ზურაბიშვილის სამივლინებო ხარჯები კი 341 ათას 800 ლარს შეადგენს. მონაცემები 2019 წლის იანვრიდან ოქტომბრამდე პერიოდს მოიცავს.