27, დეკემბერი 2019 20:08:00
ბათუმის შოთა რუსთაველის სახელმწიფო უნივერსიტეტში აკვა კულტურის ლაბორატორია გაიხსნა. სტუდენტები ზღვის ობიექტების კულტივირების, ხელოვნური მოშენების ტექნოლოგიურ და კვლევით ასპექტებს გაეცნობიან. პარალელურად კი უნივერსიტეტს, არასამთავრობო ორგანიზაცია „მწვანე სექტორსა“ და სოფლის მეურნეობის სამინისტროს შორის, ურთიერთთანამშრომლობის მემორანდუმი გაფორმდა. დოკუმენტი სასწავლო პროგრამაში მარიკულტურის სპეციალიზაციის განვითარებას და საზღვაო ფერმერთა კვალიფიციური კადრების მომზადებას ითვალისწინებს.