14, იანვარი 2020 21:28:00
ბოლო ინფორმაციით მაღალმთიან აჭარაში აღარ თოვს. ხულოს რამდენიმე სოფელში, დიდთოვლობის გამო, შიდა საუბნო გზები პარალიზებულია. მუნიციპალიტეტის პრესცენტრის ინფორმაციით, შეფერხებები ხვალ საღამომდე აღმოიფხვრება. რაც შეეხება შუახევს, ადგილობრივი მნიშვნელობის გზებზე ტრანსპორტის მოძრაობა შეზღუდულია. გადაადგილება მოცურების საწინააღმდეგო ჯაჭვების გამოყენებითაა შესაძლებელი. ქედის მერიის პრეს-სამსახურის ცნობით, მუნიციპალიტეტში ელექტროენერგიის მიწოდების პრობლემა მხოლოდ ორ სოფელში შეიქმნა. მათივე ინფორმაციით, მერიის ადმინისტრაციულ ერთეულში შუქის მიწოდება აღდგენილია, ნამონასტრევის მიმართულებით კი შესაბამისი სამსახურები ამ დრომდე მუშაობენ.