14, იანვარი 2020 21:45:00
საქართველოში, 215 გასაშვილებელი ბავშვია, მათგან 153 შეზღუდული შესაძლებლობის მქონე პირია. შვილად აყვანაზე ჯამში 35 ბავშვი აცხადებს უარს. მშვილებლად დღეის მდგომარეობით რეესტრში, 2 ათას 562 პირი ირიცხება. როგორც სააგენტოში აცხადებენ, საშუალოდ, ყოველწლიურად 110მდე ბავშვი შვილდება. ცნობისთვის, ბავშვის შვილად აყვანა შეუძლია ქვეყანაში მუდმივად მცხოვრებ, სრულწლოვან პირს, რომელიც აკმაყოფილებს მშვილებლისთვის დადგენილ მოთხოვნებს. მათ სააგენტოს დირექტორის მიერ დამტკიცებული ფორმის განაცხადი, საცხოვრებელი ადგილის შესაბამისად, მეურვეობისა და მზრუნველობის ადგილობრივ ორგანოში უნდა წარადგინოს. მშვილებელსა და გასაშვილებელ ბავშვს შორის ასაკობრივი სხვაობა არ უნდა იყოს 16 წელზე ნაკლები.