15, იანვარი 2020 18:36:00
საქართველოს თავდაცვის ძალებს 40 სამხედრო მოსამსახურე შეემატა. წვევამდელების ფიცის დადების ცერემონია ეროვნული გვარდიის სამწყობრო მოედანზე გაიმართა. მანამდე კი მომავალმა სამხედროებმა საწყისი საბრძოლო მომზადების 10-კვირიანი კურსის ფარგლებში სამედიცინო, საცეცხლე და სამწყობრო მომზადება გაიარეს. დღეიდან ისინი ცხრა თვის განმავლობაში ეროვნული გვარდიის საშტაბო ასეულში იმსახურებენ. ღონისძიებას საქართველოს თავდაცვის ძალების წარმომადგენლები და სამხედრო მოსამსახურეების ოჯახის წევრები დაესწრნენ.