20, იანვარი 2020 19:28:00
,,არა ბათუმის ჩაბეტონებას'', ''ნუ დააზარალებთ ბათუმს'', რივიერას ტერიტორიაზე ცათამბჯენების მშენებლობის წინააღმდეგ საპროტექსტო აქცია ამ ლოზუნგებით ამჯერად თბილისში იუსტიციის სახლთან გაიმართა. რივიერას დამცველების თქმით, ნებართვის გაცემა იმას ნიშნავს, რომ ხელისუფლებას საზოგადოების აზრი არ აინტერესებს. აქციის მონაწილეებმა ისიც თქვეს, რომ 5 ცათამბჯენის მშენებლობა ქალაქს ეკოლოგიური საფრთხის წინაშე დააყენებს. მრავალფუნქციურ კომპლექსს „სილ ქროუდ ჯგუფი“ აშენებს. ამ ეტაპზე საქართველოს ეკონომიკის სამინისტროსგან ნებართვა მხოლოდ 42 სართულიან შენობაზეა გაცემული.