20, იანვარი 2020 19:55:00
ბოლო ერთ კვირაში 100 ათას მოსახლეზე გრიპის 216 ახალი შემთხვევა დაფიქსირდა, წინა კვირასთან შედარებით ჰოსპიტალიზაცია 5 პროცენტითაა გაზრდილი. ამის შესახებ დაავადებათა კონტროლისა და საზოგადოებრივი ჯანმრთელობის ეროვნულ ცენტრში განაცხადეს. ცენტრის გენერალური დირექტორის ინფორმაციით, არც ერთი შემთხვევა ისეთი მძიმე არაა, რომ ინტენსიურ ან რეანიმაციულ დახმარებას საჭიროებდეს. აქედან გამომდინარე, წელს გრიპის სეზონის მიმდინარეობის ტენდენცია გასული წლის ანალოგიურ პერიოდთან შედარებით უფრო მშვიდია. გამყრელიძის თქმით, წელს 3-ჯერ მეტი ადამიანი აიცრა. ამ დროისთვის გრიპის ვირუსით გარდაცვალების ორი შემთხვევაა დაფიქსირებული.