21, იანვარი 2020 17:42:00
ლიცენზიის გარეშე სამეწარმეო საქმიანობა, წიაღით უკანონოდ სარგებლობა, ყალბი საგადასახადო დოკუმენტების დამზადება და ქონების მესაკუთრის მოტყუება - ქონებრივი დაზიანების ფაქტზე, შეზღუდული პასუხისმგებლობის საზოგადოების ხელმძღვანელი დააკავეს. საგამოძიებო მოქმედებების შედეგად დადგენილია, რომ ბრალდებული, უკანონო მატერიალური სარგებლის მიღების მიზნით, თანამზრახველებთან ერთად, მდინარიდან შესაბამისი ლიცენზიის გარეშე, ახდენდა ქვიშა - ხრეშის მოპოვებას. შემდგომ კი ყალბი საგადასახადო დოკუმენტების გაწერის გზით, იგი ფორმალურად აისახებოდა ერთ-ერთი კომპანიის სახელზე. ფაქტზე გამოძიება საქართველოს სისხლის სამართლის კოდექსის-ის 192-ე, 299-ე, 210-ე და 185-ე მუხლებით მიმდინარეობს, რაც სასჯელის სახით, თავისუფლების აღკვეთას 4-დან 7-წლამდე ვადით ითვალისწინებს.