22, იანვარი 2020 18:02:00
ძაღლისთვის პატარა ხის სახლი ცხოველთა უფლებადამცველმა ლევან ჩხაიძემ აჭარის ტურიზმისა და კურორტების დეპარტამენტის დახმარებით დღეს იმ ადგილას დადგა, სადაც "კუპატა" ბოლო ოთხი წელია ცხოვრობს.
"კუპატას" ვიდეომ, რომელიც პოპულარული გახდა სოციალურ ქსელებში საერთაშორისო მედიის ყურადღებაც მიიპყრო.
"ძაღლმა, რომელიც პატარებს იცავს და ქუჩის გადაკვეთაში ეხმარება, ბათუმს პოპულარიზაცია გაუწია" - აცხადებენ აჭარის ტურიზმის დეპარტამენტში. უწყების თანამშრომლებმა თანხა შეაგროვეს და ოთხფეხა მეგობარს სახლი აუშენეს.
შეგახსენებთ, ბათუმში, ცენტრალური პარკის მიმდებარედ ძაღლი ბავშვებს ქუჩის გადაკვეთაში ეხმარება. ფაქტის ამსახველი ვიდეო სოციალურ ქსელში გავრცელდა, რომელსაც მილიონობით ნახვა აქვს.
7
s
s
s