12, მაისი 2017 20:11:00
მუსლიმთა თემი სასამართლო დავისთვის ემზადება. მერიის უარი ახალი მეჩეთის მშენებლობაზე, მუსლიმთათვის ყოვლად მიუღებელი აღმოჩნდა. მერიის გადაწყვეტილებას ისინი პოლიტიკურს უწოდებენ და მიზნის მისაღწევად არც აქციების გამართვას გამორიცხავენ. ბათუმის მერიის უარს მეჩეთის მშენებლობაზე მესამე სექტორიც გამოეხმაურა, სადაც აღნიშნავენ, რომ მერიის გადაწყვეტილება დაუსაბუთებელი და დისკრიმინაციულია.