28, იანვარი 2020 18:48:00
ციტრუსის სეზონი შეაჯამა აჭარის სოფლის მეურნეობის მინისტრმა. ტიტე აროშიძის ინფორმაციით, ნარინჯისფერი რთველი აჭარაში განსაკუთრებით მაღალი ხარისხის მოსავალით გამოირჩეოდა. წინასწარი ინფორმაციით, მოსავლის რაოდენობამ 50 ათას ტონას გადააჭარბა, აქედან ექსპორტირებული 32 ათასი ტონაა, რაც 5%-ით აღემატება 2018 წლის ანალოგიური პერიოდის მაჩვენებელს. 26 იანვრის მდგომარეობით, სამრეწველო გადამუშავებისთვის, ქარხნების მიერ მიღებული არასტანდარტული მანდარინის რაოდენობამ 10 ათასი ტონა შეადგინა. საექსპორტო ქვეყნებს წელს სლოვენია, მოლდოვა, ლიეტუვა, პოლონეთი, ყატარი და სინგაპური შეემატა.