საინვესტიციო პორტფელი 6 მილიარდი ლარი და 6 ათასი სამუშაო ადგილი. ეს რეგიონის პირველი პირის მოლოდინებია 2020 წლისთვის. თორნიკე რიჟვაძემ ამბიციური განცხადებები დღეს გააკეთა. მთავრობის სხდომაზე უკვე განხორციელებული პროექტებიც მიმოიხილეს. მინისტრთა კაბინეტის წევრებმა მიიღეს რამდენიმე გადაწყვეტილება.
წელს უცხოური ინვესტიციები 43 %-ით გაიზარდა, შედეგად კი 2 ათასამდე სამუშაო ადგილი შეიქმნა.
მთავრობის დღევანდელ სხდომაზე რეგიონის პირველი პირი ე.წ ოცნების ქალაქსაც შეეხო . თორნიკე რიჟვაძის განცხადებით, ყოფილი #25-ე და #53-ე ბატალიონების ტერიტორიაზე, მშენებლობის დაპროექტება დასრულდა და სამუშაოები თებერვლიდან დაიწყება.
მოხსენება წარდაგინა აჭარის ფინანსტა და ეკონომიკის მინისტრმა. ჯაბა ფუტკარაძემ მინისტრთა კაბინეტის წევრებს, ინფორმაცია წარუდგინა იმ 4 სამშენებლო კომპანიის შესახებ, რომლებმაც ხელშეკრულებით ნაკისრი ვალდებულებები ვერ შეასრულა. დღევანდელი გადაწყვეტილებით ისინი პირგასამტეხლოსგან გათავისუფლენენ, ასევე მიეცათ დამატებითი ვადები.
განათლების მიმართულებით რეგონისთვის პრიორიტეტული რჩება სტუდენტთა დახმარების პროგრამა. სწავლა იმ ახალგაზრდებს დაუფინანსდება, რომლებიც მაღალმთიანი აჭარიდან არიან და მძიმე სოციალური მდგომარეობა აქვთ. სხდომაზე ითქვა, რომ ხელოვნების უნივერსიტეტის პედაგოგებსანაზღაურება გაეზრდებათ.
მთავრობის დღევანდელ სხდომაზე სულ 4 საკითხი განიხილეს.
3
s
s
s