მახვილაურში შემოვლითი გზის მშენებლობა პროტესტის მიზიზი კიდევ ერთხელ გახდა. ამჯერად ადგილობრივები, არა სახლების დაბზარვას , არამედ უწყლობას აპროტესტებენ. შესაბამისად, არა კომპენსაციას, არამედ პრობლემის მოგვარებას ითხოვენ. გასაჭირში სულ 30-მდე ოჯახია, რომელიც დაუყონებლივ რეაგირებას შესაბამისი უწყებებისგან უკვე ერთი წელია უშედეგოდ ითხოვს.
ეს მშენებარე შემოვლითი გზის მახვილაურის მონაკვეთია. ავტობანის მშენებლობისთვის სამუშაოები აქ ერთი წლის წინ დაიწყო. ერთ-ერთი მსხვილი პროექტის განხორციელებით მოსახლეობამ მნიშვნელოვანი სიკეთეები მიიღო და მომავალშიც ელოდებიან, თუმცა ადგილობრივთა ერთი ნაწილისთვის იგი პროტესტის საგანი გახდა. საქმე იმაშია, რომ მშენებლობის დაწყება სასმელი წყლის გაქრობის მიზეზი გახდა.
პრობლემაზე კიდევ ერთი ადგილობრივი საუბრობს. ამირან შაქარაძე გვიყვება, რომ უკიდურესად ცუდ მდგომარეობაში მყოფი ის ოჯახები, რომლებსაც სასმელი წყლის მოპოვების სხვა ალტერნატივა არ აქვთ, გაწვიმებას ელოდებიან. ამ გზით ახერხებენ ისინი წყლის წყაროდან მოიმარაგებას.
სასმელი წყლის დაკარგვა არ არის ერთადერთი მიზეზი, რომელიც ავტობანის მშენებლობის შედეგად ადგილობრივებს წარმოეშვათ. მასშტაბური სამუშაოების შედეგად დაზიანდა გზა, რომელზეც მოსწავლეებს სიარული უჭირთ.
იმ რისკის შესახებ, რომ ავტობანის მშენელობის სამუშაოებს შესაძლოა სასმელი წყლის დაკარგვა გამოეწვია, ამაზე არავინ დაფიქრებულა და შესაბამისად არც მოსახლეობა გაუფრთხილებია არავის, თუმცა კახაბრის ადმინისტრაციულ სერვის ცენტრში თვლიან, რომ მთავარი მაინც მაგისტრალის მშენებლობაა.
მოსახლეობის დახმარებაზე დღეს არავინ ფიქრობს. მათ შორის არც საქართველოს რეგიონული განვითარებისა და ინფრასტრუქტურის სამინისტროში, არგუმენტით, რომ მოსახლეობა იტყუება.
ამ განცხადების შემდეგ, ადგილბრვთა ბედი იმაზეა დამოკიდებული, როდის და როგორ დააჯერებენ სახელმწიფო უწყებებს, რომ პრობლემები რეალურია და მატყუარები არ არიან.
1
s
s
s