04, თებერვალი 2020 21:27:00
2019 წლის მონაცემებით, რეგიონში ონკოლოგიური დაავადების მქონე პაციენტების მიმართვიანობა გაზრდილია. პაციენტების უმეტესობას, სიმსივნე სარძევე ჯირკვლებზე აღინიშნება. რა იწვევს კიბოს? რითი ხსნიან არსებულ მდგომარეობას მედიკოსები? და რა არის დაავადებასთან ბრძოლის საუკეთესო გზა? თეო ფუტკარაძის სიუჟეტიდან გაიგებთ.
2019 წლის მონაცემებით, რეგიონში ონკოლოგიური დაავადების მქონე პაციენტების მიმართვიანობა გაზრდილია. პაციენტების უმეტესობას, სიმსივნე სარძევე ჯირკვლებზე აღინიშნება. რა იწვევს კიბოს? რითი ხსნიან არსებულ მდგომარეობას მედიკოსები? და რა არის დაავადებასთან ბრძოლის საუკეთესო გზა? ვრცალდ თეო ფუტკარაძის სიუჟეტიდან გაიგებთ.
გიორგი ცეცხლაძემ ერთი წლის წინ შეიტყო, რომ სხეულით 2 სტადიის ავთვისებიან სიმსივნეს ატარებდა. დიაგნოზს არ შეუშინებია და დაავადებასთან ბრძოლას განაგრძობს. ზუსტად არ იცის რამდენ წლიანი ბრძოლა დასჭირდება, თუმცა პოზიტიური მომავლის იმედით შესაბამის სამედიცინო პროცედურებს ექიმების რეკომენდაციიით, პერიოდულად იტარებს.
2019 წლის მონაცემებით, მიმართვიანობა გასულ წლებთან შედარებით გაზრდილია. პაციენტების უმეტესობას, სიმსივნე სარძევე ჯირკვლებზე აღინიშნება, მას საშვილოსნოს ყელის, ფილტვისა და პროსტატის კიბო მოსდევს. მედიკოსები არსებულ ვითარებას, ეკოლოგიური მდგომარეობითა და არაჯანსაღი საკვების მიღებით ხსნიან.
რადიოლოგის რეკომენდაციით, გარკვეული ჩივილების დროს ექიმთან დროული მიმართვიანობა, დაავადებასთან ბრძოლის საუკეთესო გზაა. ასე ფიქრობს რადიაციული თერაპევტიც, რომელიც აღნიშნავს, რომ ონკოლოგიური პაციენტების 70% სხივურ თერაპიას საჭიროებს.
მათ ვისაც, ძუძუსკიბოს დიაგნოზი აქვს, სახელმწიფო სამკურნალო პრეპარატით აფინანსებს. ამასთან აჭარის ჯანდაცვის სამინისტრო ონკო პაციენტებისთვის მაღალტექნოლოგიური დიაგნოსტიკური კვლევების დაფინანსებას უზრუნველყოფს.
თამბაქო, ალკოჰოლის ჭარბი მიღება, არასწორი კვება, არაჯანსაღი ცხოვრების წესი ის ფაქტორებია, რომლებიც კიბოს იწვევს. ამ მავნე ჩვევებზე უარის თქმით, კიბოს განვითარების რისკი მნიშვნელოვნად შემცირება. ჯანდაცვის მსოფლიო ორგანიზაციის მონაცემებით, ინფორმირებულობის გაზრდითა და კიბოსთან ბრძოლის ეფექტური სტრატეგიების დანერგვით, წელიწადში, 1,5 მილიონი ადამიანის გადარჩენა შეიძლება. საქართველოში ზოგადი ავადობის სტრუქტურაში, ონკოლოგიური პათოლოგიები მესამე ადგილზეა.