დაბზარული კედლები და ჩამტვრეული მინები - კადრები, რომლებსაც ხედავთ, გული ბაქრაძის საცხოვრებელ სახლშია გადაღებული. ქალი კომახიძის 11 ნომერშია წლებია ცხოვრობს. უამინდობისას ოთახში ისევე ცივა, როგორც გარეთ.
გული ბაქრაძე ამბობს, რომ დახმარების თხოვნით მერიას არაერთხელ მიმართა, დაპირებების შესრულებას კი დღემდე ელოდება.
პრობლემაზე საუბრობენ კოსტავას 10 ნომერში მცხოვრებლებიც. ეკატერინე ფარტენაძე გვიყვება, რომ ეს შენობა პრობლემებს უქმნის. ცვივა ქვები, უამინდობისას კი წყალი ჩადის. ნესტის შედეგად აქ მორიელებიც მომრავლდა.
ავარიულ სახლზე, დატბორილ სარდაფსა და დაშლილ კედლებზე საუბრობს ვალდენტინა ბედინაძეც. ამბობს,რომ გაუსაძლის პირობებში წლებია ცხოვრობს. მერიისგან ფართის გასადიდებლად ნებართვა ითხოვა, თუმცა უარი არაერთხელ მიიღო.
ავარიული სახლების რესტავრირებაზე პასუხისმგებელი ბათუმის მერიის ქონებისა და სერვისების მართვის სამსახურია. დავით კოპინაძის თქმით, რეაგირება მოქალაქეების მიმართვიანობაზეა დამოკიდებული.
ბათუმის მერიაში ვერ აკონკრეტებენ, როდის მოგვარდება აღნიშნული მოქალაქეების პრობლემები. დავით კოპინაძის განცხადებით, სარეაბიტლიტაციო სამუშაოები ეტაპობრივად განხორციელდება.
3
s
s
s