„ბიძინას ბოსტანი, სადაც პარტიულ აქტივს სასათბურე პირობებს უქმნიან“ - ასე მოიხსენიებს ნაციონალური მოძრაობა ხელვაჩაურში, 2015 წელს, გახსნილ უფუნქციოდ დარჩენილ აგრარულ ბაზარს. ოპოზიციის შეფასებით, მუნიციპალიტეტის მერია 10 ათასობით საბიუჯეტო ლარს, ყოველწლიურად, წყალში ყრის. რა არგუმენტები აქვს, ოპონენტების ბრალდებებზე, ადგილობრივ ხელისუფლებას? ხატია გოგრაჭაძის სიუჟეტიდან შეიტყობთ.
ეს ინტერვიუ 2015 წლის 23 აგვისტოთი თარიღდება. მაშინ, ნადიმ ვარშანიძე ხელვაჩაურის მერი იყო, ახლა კი საკრებულოს თავმჯდომარეა. პომპეზურად გახსნილ აგრარულ ბაზართან დაკავშირებით მას შემდეგი გეგმები ჰქონდა, რაც არ შესრულდა.
ხელისუფლების ოპონენტები ამბობენ, რომ 50-მდე გლეხის დასაქმებაზე გათვლილი, 200 კვადრატულ მეტრზე განთავსებული ობიექტი, გახსნის მეორე დღიდანვე დაკეტილია.
აიპებში, სადაც ასი ათასობით საბიუჯეტო ლარი იხარჯება, „ქართული ოცნება“ საარჩევნო შტაბის აქტივისტებს ასაქმებს - ასე ფგიქრობენ ოპოზიციაში. მალხაზ თავდგირიძის თქმით, 5 წლის განმავლობაში დაკეტილ ამ აგრარულ ბაზარზე დასაქმებული სამი თანამშრომლის სახელფასო ანაზრაურებისთვის, ჯამში 60 ათასი ლარია დახარჯული.
ამის მიუხედავად, ხელვაჩაურის მერიაში, აგრარულ ბაზარს მოქალაქეებზე მორგებულ ობიექტად მოიხსენიებენ. ხელვაჩაურის მერის მტკიცებით, ბაზრობა სოფლის ნობათის გასაყიდად, სეზონურად, ადრე გაზაფხულიდან გვიან შემოდგომამდე კვირაში რამდენიმე დღით ღიაა. არჩილ ბარამიძე ოპოზიციის განცხადებებს, უსაფძლო ბრალდებებს უწოდებს და ამბობს, რომ ნაციონალური მოძრაობისგან განსხვავებით, მოქმედი ხელისუფლება ხალხის ინტერესებზეა მორგებული.
ხელვაჩაურის აგრარული ბაზრის მოწყობისთვის, თავის დროზე, ბიუჯეტიდან 60 ათასი ლარი დაიხარჯა. 2019 წელს დამტკიცებული აუდიტის დასკვნაში კი ვკითხულობთ, რომ „ობიექტზე, რომელიც წლებია არ ფუნქციონირებს, შტატგარეშე დასაქმებულ თანამშრომელთა ნაწილი, მათზე დაკისრებულ მოვალეობას არ ასრულებს.
1
.jpg)
s
s
s