10, თებერვალი 2020 21:56:00
ბოლო 4 წლის განმავლობაში ნანატრი თოვლი მოვიდა, თუმცა მძღოლების, ქვეითად მოსიარულეების, ქუჩების და სოფლების პარალიზება გამოიწვია. ეს კი იმიტომ, რომ შესაბამისი უწყებები უკვე მერამდენე წელია უხვ ნალექს შესაბამისად მომზადებულები ვერ ხვდებიან. დღეს ჩვენმა კამერამ მოქალაქეების გახარებული სახეები გაუწმენდავი და მოყინული ქუჩების ფონზე დააფიქსირა.
დიდთოვლობას რომ ქალაქი მოუმზადებელი შეხვდა, ეს ქუჩებშიც იგრძნობა. ბათუმის ძირითადი ნაწილი გაუწმენდავია, განსაკუთრებით კი გარეუბნები. მძღოლები ამტკიცებენ,რომ ტექნიკური მარილი არ დაუყრიათ. სწორედ ამის გამო მთელი დღის განმავლობაში სატრანსპორტო მიმოსვლა ჭირდა.
იმის გამო, რომ მერიამ ვერც ქვეითებისთვის მოიცალა, პრობლემები შეექმნათ ფეხით მოსიარულეებსაც. ქალაქში მცხოვრებლებმა ტროტუარების გაწმენდა საკუთარი ძალებით სცადეს.
მოქალაქეების პრეტენზიების პარალელუად საპირისპიროს ამბობენ სანდასუფთავების სამსახურში. პაატა მგელაძე ამტკიცებს, რომ 120 ტონაზე მეტი ტექნიკური მარილი დახარჯეს, თუმცა ორგანიზაციის ხელმძღვანელმა ვერ დაგვისახელა კონკრეტული ადგილები, სადაც შესაბამისი სამუშაოები განახორციელეს. კითხვაზე სად დაიყარა ტექნიკური მარილი, ასეთი პასუხი მივიღეთ:
ანალოგიური მდგომარეობა ბათუმში ყოველი გათოვლებისას იქმნებოდა. მაშინაც მერია უხვ ნალექს სათანადოდ ვერ უმკლავდებოდა. გარემოს ეროვნული სააგენტოს ცნობით, თოვა 12 თებერვლიდანაა მოსალოდნელი.