13, თებერვალი 2020 17:16:00
ამ წუთებში ხულოში ინტენსიურად თოვს. თოვლის საფარი დაბაში 80-სმ-ია მაღალი ზონის სოფლებში კი ერთ მეტრსა და 50 სმ-ს აჭარბებს. დაზიანდა მაღალი ძაბვის გადამცემი ხაზები, რის გამოც ელექტროენერგიის მიწოდება მუნიციპალიტეტის ყველა აბონენტს შეუწყდა. მერიის პრესცენტრის ცნობით, სხვადასხვა მიმართულებით 22 ერთეული მძიმე ტექნიკა გაწმენდით სამუშაოებს ახორციელებს. ცუდი ხილვადობის გამო, გადაადგილება ცენტრალურ გზაზეც ჭირს. სოფელ თხილვანაში კი მეწყრული პროცესი განვითარდა.