13, თებერვალი 2020 17:29:00
მთელი ღამის განმავლობაში თოვდა ქედის მუნიციპალიტეტშიც. უხვი ნალექის შედეგად, ახალი თოვლის საფარი 60-80 სმ აღწევს. მაღლობში კი ერთ მეტრსა და 50 სმ-ს გადააჭარბა. ეტაპობრივად იწმინდება საავტომობილო გზები. ადგილზე კომუნალურ-სერვისის 2 ერთეული ტექნიკაც მუშაობს. გადაადგილება მხოლოდ მაღალი გამავლობის ავტომობილებითაა შესაძლებელი. რაც შეეხება ელექტროენერგიის მიწოდებას - აღდგენით სამუშაოებზე მობილური ჯგუფები დანდალოს, მერისის, დოლოგნის, პირველი მაისისა და ოქტომბრის ადმინისტრაციულ ერთეულებში მუშაობენ. ნაწილობრივ შეზღუდვით ელექტროენერგია მახუნცეთის, ცხმორისისა და ზვარის ადმინისტრაციულ ერთეულებსაც მიეწოდება.