ქედის მუნიციპალიტეტში საგანმანათლებლო პროცესი საჯარო სკოლებსა და ბაღებში ორშაბათიდან განახლდება. მუნიციპალიტეტში ამ დრომდე გადაუღებლად თოვს. თოვლის საფარმა მაღალ ზონებში 1.70 სმ-ს გადააჭარბა. საგზაო დეპარტამენტის ინფორმაციით, დღეს მუნიციპალიტეტში 15 ერთეული ტქნიკა იმუშავებს და გაიწმინდება შემდეგი მიმართულებები:
დანდალო-ხარაულა, დანდალო-არძენაძეები, ცხმორისი-გეეგელიძეები, ცხმორისი-ზედა ცხმორისი, წონიარისი-ვარჯანისი, ზვარე-ზესოფელი, ქედა- ზენდიდი, ქედა-აქუცა, ქედა-მერისი-ნამონასტევი, მერისი-ზედა მერისი-სილიბაური, პირველი მაისი-სამნიძეები, ცივასულა-აგარა-ქვედა აგარა , მახუნცეთი-უჩხითი, ოქტომბერი-მეძიბნა-აგოთა, ქედა-ორცვა. დაბის ქუჩებს ქედის კომუნალურსერვისის 2 ერთეული ტექნიკა წმენდს.
ელექტროენერგია არ მიეწოდება მერისის, ოქტომბრის, მახუნცეთისა და დოლოგნის ადმინისტრაციულ ერთეულებს, ნაწილობრივ შიდა დაზიანებებია რიგ სოფლებშიც. მობილიზებულია შესაბამისი ჯგუფები და მიმდინარეობს აღდგენითი სამუშაოები.
17
s
s
s