18, მაისი 2017 20:07:00
"ერთიანი ნაციონალური მოძრაობა" აჭარის მთავრობის თავმჯდომარის გადადგომას ითხოვს. პარტიის წევრები დღეს მთავრობის სახლთან იმ ფოტოებით მივიდნენ, რომლებზეც ბიძინა ივანიშვილის დენდროლოგიურ პარკში აჭარიდან ხეების გატანის პროცესი იყო ასახული. ოპოზიციაში აცხადებენ, რომ ქვეყანაში არსებული მძიმე სოციალურ-ეკონომიკური ფონის მიუხედავად ზურაბ პატარაძე მათი მოგვარების ნაცვლად ბიძინა ივანიშვილის მითითებების შესრულებითაა დაკავებული. სწორედ აღნიშნული არგუმენტის გამო, „ნაციონალურ მოძრაობაში“ მიაჩნიათ, რომ მან თანამდებობა უნდა დატოვოს. მთავრობის სახლის წინ მიტანილი ფოტოები აქციის მონაწილეებმა იქვე განთავსებულ ხეებზე დატოვეს.