18, თებერვალი 2020 18:20:00
მუსლიმ თემსა და ბათუმის მერიას შორის დავამ საქალაქოდან, სააპელაციო სასამართლოში გადაინაცვლა. ზემდგომ ინსტანციას სარჩელით ორივე მხარემ მიმართა. ბათუმის მერია საქალაქო სასამართლოს გადაწყვეტილების სრულად გაუქმებას ითხოვს, "ბათუმში ახალი მეჩეთის მშენებლობის ფონდი" კი სააპელაციო სარჩელში მიუთითებს, რომ ქალაქის მერიას მეჩეთის მშენებლობისთვის ნებართვის პირველი ეტაპის გაცემა დაევალოს. ბათუმის საქალაქო სასამართლომ აჭარაში, ახალი მეჩეთის მშენებლობაზე მერიის უარი დისკრიმინაციულად სცნო, თუმცა არ დააკმაყოფილა მოსარჩელე მხარის მოთხოვნა, დავალებოდა მერიას, მშენებლობისთვის პირველი ეტაპის ნებართვა გაეცა. სააპელაციო სასამართლოში საქმეზე პირველი მოსმენა დღეს გაიმართა.
ფოტო: არქივი