18, მაისი 2017 20:01:00
მუზეუმების საერთაშორისო დღისადმი მიძღვნილი ღონისძიება გაიმართა დღეს ძმები ნობელების სახელობის ბათუმის ტექნოლოგიურ მუზეუმში. წარმოდგენილი იყო ამიკო ქავთარაძის სატელევიზიო პროექტი „ერთი ფოტოს ისტორია“, რომელიც აშშ-ში 2001 წლის 11 სექტემბერს განხორციელებულ ტერორისტულ აქტს და ნიუ-ორკის ორი ცათამბრჯენის ჩამონგრევას ეხება. მოგვიანებით მუზეუმების საერთაშორისო დღესთან დაკავშირებით დისკუსია გაიმართა გონიო-აფსაროსის მუზეუმ ნაკრძალში. „მედეა დამნაშავე თუ მსხვერპლი“-აქ თემასთან დაკავშირებით სკოლის მოსწავლეებმა და სტუდენტებმა იმსჯელეს. ჩატარდა იმიტირებული სასამართლო პროცესიც , სადაც არგონავტების მითის შესახებ სხვადსხვა ისტორიული წყაროები განიხილეს. ღონისძიებას აჭარის განათლების მინისტრის წარმომადგენლებიც ესწრებოდნენ.