20, თებერვალი 2020 17:39:00
აჭარის ტელევიზიის საინფორმაციო სამსახურის თანამშრომელთა ნაწილი განცხადებას ავრცელებს. ჟურნალისტები დიპლომატიურ კორპუსს, საერთაშორისო და ადგილობრივ არასამთავრობო ორგანიზაციებს მიმართავენ, ჩაერთონ პროცესებში, რადგან წინააღმდეგ შემთხვევაში დაზარალდებიან არა მხოლოდ ჟურნალისტები, არამედ დაზიანდება საზოგადოებრივი მაუწყებლის იდეა. „ეს კიდევ უფრო დააზარალებს მედიაგარემოს და დემოკრატიულ პროცესებს ქვეყანაში“-ნათქვამია განცხადებაში. თანამშრომლები განმარტავენ, რომ მრჩეველთა საბჭოს სხდომაზე მიღებული გადაწყვეტილება ახალი ამბების სამსახურის სარედაქციო დამოუკიდებლობის შეზღუდვაა.