18, მაისი 2017 17:08:00
ბათუმში ასათიანისა და ჩოლოყაშვილის კვეთაში კოლექტორის სარეაბილიტაციო სამუშაოები მიმდინარეობს. 1000-1200 მმ-იანი კოლექტორის რეაბილიტაციის დასრულება გეგმის თანახმად ოქტომბრის ბოლოსაა დაგეგმილი. რომლის შემდეგაც ქალაქის ძირითადი წყალარინების კოლექტორი თამარის დასახლების, ბონი-გოროდოკის, ზემო გოროდოკის, ბარცხანისა და ჭაობის საკანალიზაციო სისტემის გამწმენდ ნაგებობასთან მიერთდება. სამუშაოები ბათუმის კომუნალური სისტემის რეაბილიტაციის პროექტის მესამე ფაზის ფარგლებში მიმდინარეობს და მისი ღირებულება 3 მილიონ 850 ათას ევროს შეადგენს.