21, თებერვალი 2020 17:40:00
ბათუმში, ე.წ. „ოცნების ქალაქში“ ბინების მშენებლობას საფუძველი ჩაეყარა. პროექტს აჭარის მთავრობა აფინანსებს. ჯამში სამი 12 სართულიანი კორპუსი აშენდება, სადაც 582 ბინა იქნება. ღირებულება 38 მილიონამდე ლარს შეადგენს, სამუშაოები ერთ წელიწადსა და 5 თვეში დასრულდება. კაფსულის ჩაშვების ცერემონიას, საქართველოს პრემიერ მინისტრიც დაესწრო. გიორგი გახარიას განცხადებით, 2021 წელს აქ ახალ სკოლასთან ერთად, საბავშვო ბაღიც აშენდება.