ბათუმის მერიის ახალი ინიციატივა, რომელიც მიუსაფარი ძაღლების მოვლას ეხება. იმ შემთხვევაში, თუ გადაწყვეტთ, რომ უპატრონო ცხოველს მოუაროთ, თვითმმართველობას ამ სიკეთისთვის თვეში 60 ლარს გადაგიხდით. ახლა მთავარი კითხვა შემდეგნაირად ჟღერს: როგორ გააკონტროლებს უწყება იმას, რომ მოქალაქეებმა ძაღლები ფინანსური ინტერესების მიზნით არ გამოიყენონ?
ანტიკვარიატის მოყვარული ქალის კიდევ ერთი ჰობი ძაღლებია. პირველი ოტხფეხა მეგობარი ორი წლის წინ გაიჩინა. კუციმ მას შემთხვევით, სამსახურთან მიაკითხა. შემდეგ კი დიასახლისთნ კიდევ ოთხი მიიყვანა. ასე გახდნენ ხუთნი.
ეს ბათურაა. მას თეონა უვლის. დიასახლისის მანაც ორი თვის წინ, შემთხვევით იპოვა. როგორც თეონა ამბობს, ბათურას მსგავსად ქუჩაში არა ერთ ცხოველს კვებავს, თუმცა, ბათურა განსაკუთრებულია.
ლევანი კიდევ ერთი ახალგაზრდაა, რომელიც მიუსაფარ ძაღლებს ქუჩაში საკუთარი სახსრებით უდგამს თავშესაფარს . მერის გადაწყვეტილებას, რომელიც თვეში სამოც ლარად მიუსაფარი ძაღლების მოვლას გულისხმობს, იგი მიესალმება, თუმცა ამბობს, რომ აუცილებელია მკაცრი კონტროლი, რათა მოქალაქემ ძაღლი ფინანსური ინტერესისთვის არ გამოიყენოს და მოუვლელი არ დატოვოს.
ერთ-ერთი ზოოკლინიკის დირექტორი ამბობს, რომ უპატრონო ძაღლების მოვლა შეუძლებელია , რადგან სახელმწიფოსგან გამოყოფილი 60 ლარი თვეში მხოლოდ საკვებისთვის შეიძლება იყოს საკმარისი.
„უპატრონო შინაური ბინადარი ცხოველების საპატრონაჟო ღონისძიებები“ - ახალი საპილოტე პროგრამის შესახებ ბათუმის მერმა დღეს ისაუბრა. ე.წ. „კუპატას პორგრაის“ ამოქმედება მარტიდან იგეგემება, რომლის ბიუჯეტიც 60 000 ლარია.
მერიის გათვლებით, ახალი ინიციტაივა თავისი ბიუჯეტით ვრცელდება მხოლოდ იმ ას ძაღლზე, რომელიც თავშესაფარში იმყოფება აღრიცხვაზე.
8
s
s
s