25, თებერვალი 2020 20:34:00
ახლა კი უნდა გაგაცნოთ ბიჭი, რომელიც 15 წლის ასაკში რამდენიმე მუსიკალურ ინსტრუმენტს ფლობს. დათო ვარშანიძე უკრავს დოლზე, ტამტამზე, გიტარასა და დრამზე. ახალგაზრდამ ეს ყველაფერი , დამოუკიდებლად, პედაგოგების გარეშე მოახერხა. მისი ერთი დღე ია გოლიაძემ და იოველ ჭანტურიამ გადაიღეს.
15 წლის ხელოვანი დილას ასე იწყებს. დათო ვარშანიძე მუსიკალური ჯგუფის “ სკოლის მეგობრების“ წევრია. ამ სტუდიაში, მუსიკოსები რეპეციტიებს კვირაში 3-ჯერ გადიან. პროცესი 2 საათის განმავლობაში გრძელდება. გიტარაზე დაკვრა დამოუკიდებლად, 11 წლის ასაკში, ინტერნეტის საშუალებით ისწავლა.
ყველაფერი ბავშვობიდან დაიწყო. დათოს ნიჭი ქართული ცეკვის მეცადინეობებზე გამოჩნდა. მაშინ მან დოლზე დაკვრა ისწავლა. ამას კი ტამტამები მოჰყვა. ახლა ჯგუფი მათ მიერ 3 წლის წინ შექმნილ კომპოზიციას ასრულებს, რომელიც ყველა წევრს განსაკუთრებულად უყვარს.
ინსტრუმენტი, რომელზეც ყველაზე ბოლოს ისწავლა დაკვრა - დრამია. ბიჭი, რომელიც 15 წლის ასაკში მუსიკალური შემოქმედებითაა დატვირთული, ამბობს, რომ სიამოვნებასთან ერთად, პროცესში სირთულეების დაძლევაც უწევს.
ჯგუფი „სკოლის მეგობრები“ თითქმის 5 წლისაა. მას დათო 1 წლის წინ შემოუერთდა. პედაგოგი დათოს ჯგუფის ბირთვს უწოდებს და ამბობს, რომ მოზარდი მისი აღმოჩენაა.
ახალგაზრდები ახლა კონცერტისთვის ემზადებიან. მუსიკოსებმა სცენაზე ბიტლზები უნდა გააცოცხლონ. „სკოლის მეგობრებს“ ისრაელიდან საგასტროლო მოწვევაც აქვს, რომელზეც უარის თქმა იმის გამო უწევთ, რომ დაფინანსება არ აქვთ.