27, თებერვალი 2020 18:56:00
დღეის მდგომარეობით, ქვეყანაში კორონავირუსის დაფიქსირების მიუხედავად, არც საერთაშორისო სტანდარტითა და არც ჯანდაცვის რეკომენდაციებით, სწავლის შეწყვეტის საფუძველი არ არსებობს. საქართველოს განათლების, კულტურისა და სპორტის სამინისტროს განცხადებით, ქვეყანაში პრევენციისა და რისკის ეფექტიანი მართვის მიზნით, უწყება სკოლებში სანიტარულ ნორმებს ამკაცრებს. კერძოდ, საგანმანათლებლო დაწესებულებებში ჯანმრთელი გარემოს შესაქმნელად, მოთხოვნები ჰიგიენის ნორმების დასაცავად კიდევ უფრო გაიზრდება.