27, თებერვალი 2020 19:16:00
სიცოცხლისთვის საფრთხის შემცველი ვირუსი მსოფლიოს რამდენიმე ქვეყნის შემდეგ საქართველოშია. როგორ უნდა დავიცვათ თავი კორონა ვირუსისგან? სპეციალსიტების რჩევებს „მაცნეში“ ია გოლიაძის სიუჟეტიდან გაიგებთ.
პირველი რეკომენდაცია, რომელსაც საშიში ახალი კორონავირუსისგან თავის დასაცავად სპეციალისტები იძლევიან, ხელების ხშირი დაბანაა. ექიმი ეპიდემიოლოგი ამბობს, რომ პრევენციის ეს გზა ვირუსს მარტივად ანადგურებს. მედიკოსი მიკრობებისგან თავის დაღწევის სხვა საშუალებებზეც მიუთითებს. ეს პირბადით მოძრაობაა.
სასუნთქი სისტემის ჰიგიენის და ხელების ხშირი დაბანის გარდა, უსაფრთხო დისტანციის შენარჩუნების აუცილებლობაზე საუბრობენ სპეციალისტები. კიდევ ერთი რეკომენდაცია, რომელზეც ეპიდემიოლოგი ამახვილებს ყურადღებას მოგზაურობისგან თავშეკავებაა.
პანიკაში არ ჩავარდნისკენ მოუწოდებს მოქალაქეებს დაავადებათა კონტროლისა და საზოგადოებრივი ჯანმრთელობის ეროვნული ცენტრი. ნინო გუგუშვილი ამას საშიში ვირუსის დასამარცხებლად ბრძოლაში მთავარ პრევენციად მიიჩნევს. მისივე თქმით, სასურველია დაავადებულ ცხოველებთან კონტაქტისგან თავის შეკავება
ყელის ტკივილი, ცხელება, ხველა, სუნთქვის გახშირება - ეს ვირუსის ძირითადი სიმპტომებია. დაინფიცირების შემთხვევაში მკუნალობის გზებს რაც შეეხება, ეს სიმპტომური თერაპიაა.
ახალი კორონავირუსი პირველად გასულ წელს ჩინეთში, ჰუბეის პროვინციაში დაფიქსირდა. მსოფლიოს ჯანდაცვის ორგანიზაციამ იგი ეპიდემიურ აფეთქებად შეაფასა. რისკჯგუფებს 60 წელს გადაშორებული მოქალაქეები და ის პაციენტები მიეკუთვნებიან, რომლებსაც ქრონიკული დავადებები აქვთ. გადადის წვეთოვანი გზით, დაავადებულთან მჭიდრო კონტაქტით, თვალზე, პირზე და ცხვირზე დაუბანელი ხელის შეხებით.