28, თებერვალი 2020 16:25:00
გარდაბნის მუნიციპალიტეტში, რკინიგზის სადგურ „ველის ტერიტორიაზე უბედური შემთხვევის შედეგად 41 წლამდე კაცი გარდაიცვალა. როგორც „ინტერპრესნიუსისათვის გახდა ცნობილი, მამაკაცი „ველის ტერიტორიაზე მუშაობდა და მას ლიანდაგებზე გადასვლისას თბომავალი დაეჯახა. შეჯახების შედეგად, მამაკაცი ადგილზე გარდაიცვალა.
ფაქტზე გამოძიება სსკ-ის 275 მუხლის მე-4 ნაწილით დაიწყო, რაც რკინიგზის ტრანსპორტის უსაფრთხოების ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.