28, თებერვალი 2020 17:56:00
ხელვაჩაურის მერიამ მოწყვლადი კატეგორიის ოჯახებზე სახურავების მასალების გაცემა დაიწყო. საუბარია იმ ოჯახებზე, რომლებსაც საცხოვრებელი ხანძარმა და სტიქიამ დაუზიანა. სახურავისთვის თუნუქის მასალებს მერია, საჭიროების მქონე სოციალურად დაუცველ ოჯახებზეც გასცემს, რასაც სპეციალური კომისია ავლენს. უწყებას ჯამში შეძენილი 134 ათას 180 ლარის ღირებულების მასალა აქვს, რომელიც 76 ბენეფიციარზე განაწილდება.