ხელისუფლების ანგარიშზე სავარაუდოდ, კიდევ ერთი ტელეკომპანია აღმოჩნდება. აჭარის მაუწყებელში სარედაქციო პოლიტიკის შეცვლის მცდელობა დასასრულს უახლოვდება. ახალი ამბების რედაქციას, თითქმის ყველა ის ადამიანი გამოაცალეს, რომელიც დირექტორისთვის არასასურველ კადრად ითვლებოდა.
რამდენიმე წუთის წინ ცნობილი გახდა, რომ საინფორმაციო სამსახურის უფროსი, შორენა ღლონტი, დაკავებული თანამდებობიდან გაათავისუფლეს.
„მზად ვარ ქალბატონ შორენას შევთავაზო ისეთი პოზიცია, სადაც მას არ ექნება მსგავსი გადაცდომის შესაძლებლობა და მიეცემა პროფესიული საქმიანობის გაგრძელების საშუალება'' - წერია განცხადებაში, რომელიც დირექტორის სახელით ონლაინ სამსახურს გამოუგზავნეს.
ასევე, დღეს გახდა ცნობილი, რომ 24 თებერვალს, საინფორმაციოს პროდიუსერად დანიშნული ნინო ხაჟომია საკუთარი განცხადების საფუძველზე ტოვებს აჭარის ტელევიზიას. ახალი ამბების რედაქტორის პოზიციას კი ფირუზ ბოლქვაძე შეასრულებს.
ხაჟომიამ ჩვენს კითხვებს არ უპასუხა და ტელეფონი გაგვითიშა. TV 25-ის ინფორმაციით, სავარაუდოდ, ნინო ხაჟომია საინფორმაციო სამსახურის პოზიციაზე გამოცხადებულ კონკურსში მიიღებს მონაწილეობას და იგი მალე ნიუსრუმის ხელმძღვანელი გახდება.
4
s
s
s