19, მაისი 2017 17:08:00
„ჰიგიენა 2009“-ის გახმაურებული საქმის შემდეგ აჭარის მთავრობა მის დაქვემდებარებაში არსებულ შპსეე-ბის კონტროლს ამკაცრებს. ცვლილების თანახმად, შპს-ს დირექტორს აღარ ექნება უფლება ხელზე გამოიტანოს ბანკიდან თანხა. თუმცა, აჭარის ფინანსთა და ეკონომიკის მინისტრი აცხადებს, რომ წესდებაში ცვლილება მათ დაქვემდებარებაში არსებულ შეპესეებთან ურთიერთობის გადახედვის შემდეგ გახდა საჭირო და ის მხოლოდ შპს ''ჰიგიენა 2009''-ის სკანდალურ ფაქტს არ უკავშიერდება. აღსანიშნავია ისიც, რომ უწყების საწარმოთა მართვის განყოფილების უფროსის პოზიციაზე, ამავე სამსახურის მთავარი სპეციალისტი პაატა ბერიძე დაინიშნა. პოსტს მანამდე აჭარის მთავრობის ყოფილი თავმჯდომარის არჩილ ხაბაძის მამა იკავებდა. მან თანამდებობა შპს „ჰიგიენა 2009“-ის საქმის გახმაურების შემდეგ დატოვა, თუმცა მინისტრი ირწმუნება, რომ თამაზ ხაბაძემ სამსახური საკუთარი განცხადების საფუძველზე დატოვა და იგი ირაკლი ცეცხლაძის დაკავებას არ უკავშირდება.