03, მარტი 2020 12:19:00
ქუთაისის 24 -ე საჯარო სკოლის მიმდებარე ტერიტორიაზე მარიხუანას მოწევისთვის განკუთვნილი სხვადასხვა სახის ნივთები იპოვეს.
„ერთ ეზოში არის ორი კორპუსი, ერთში განთავსებულია 24 ე საჯარო სკოლა, ხოლო მეორე კორპუსი წლებია დათმობილია აფხაზეთის მთავრობის მიერ კონტროლირენად აფხაზეთის #5 საჯარო სკოლა. ეს ამბავი ამ მეორე სკოლის შენობის სარდაფში ხდება. განათლების სამინისტრო საქმის კურსში იყო, რადგან სწარაფად ვრცელდება ინფორმაცია. უწყებამ დროულად ჩააყენა აფხაზეთის მთავრობა საქმის კურსში, - განაცხადა ქუთაისის რესურსცენტრის ხელმძღვანელმა მაია ცქიტიშვილმა.
შინაგან საქმეთა სამინისტროში განმარტავენ, რომ საქმეზე სისხლის სამართლის კოდექსის 273 მუხლით დაიწყო გამოძიება, რაც მცენარე კანაფის ან მარიხუანის უკანონო შეძენა, შენახვა, გადაზიდვა, გადაგზავნა ან/და გასაღებას გულისხმობს.