22, მაისი 2017 20:05:00
„თავისუფალი დემოკრატები“ და „რესპუბლიკური პარტია“ თვითმმართველობის არჩევნებზე ერთობლივად იბრძოლებენ. პარტიები ბლოკის შექმნაზე მუშაობენ. მიმდინარეობს მოლაპარაკებები. რა სახელი ექნება ახალ გაერთიანებას, ამ ეტაპზე შერჩეული არ აქვთ. როგორც ერთ, ისე მეორე პოლიტიკურ ძალაში აღნიშნავენ, რომ ღირებულებები თითქმის იდენტური აქვთ და გაერთიანებული ძალებით არჩევნებში გამარჯვების მეტი შანსი აქვთ. ჯერჯერობით ვერ ადასტურებენ, რა დრო დასჭირდება ახალი ბლოკის ჩამოყალიბებას.