ქობულეთის მუნიციპალიტეტის მერია გუშინ, ჩვენს ეთერში გასულ მასალას გამოეხმაურა. უწყების პრესცენტრის ცნობით, წყლის სისტემების რეაბილიტაციისა და ახლის მოწყობისთვის მუნიციპალიტეტში არაერთი მნიშვნელოვანი ღონისძიება დაიგეგმა და განხორციელდა. შესაბამისი სამსახურები ყოველდღიურ რეჟიმში ახორციელებენ საჭირო სამუშაოებს, რათა მოსახლეობას წყალი შეუფერხებლად მიეწოდებოდეს. „დაიგეგმა და მიმდინარეობს აჭარის წყლის ალიანსის მიერ მასშტაბური პროექტი რეგიონის სხვადასხვა მუნიციპალიტეტში, მათ შორის ქობულეთშიც. რაც შეეხება „ერთიანი ნაციონალური მოძრაობის“ ბრალდებას, არ ვეთანხმებით. მათი განცხადება რეალობას არ შეესაბამება“ - აღნიშნულია განცხადებაში. შეგახსენებთ, ოპოზიციის მტკიცებით, აჭარის ხუთივე მუნიციპალიტეტში წყლის სისტემის მშენებლობა-რეაბილიტაციისთვის 72 მილიონი ლარი გაიფლანგა. გია აბულაძის თქმით, პოლიეთილენის მილები შეიძინეს, თუმცა სამუშაოები არ ჩატარებულა.
8
s
s
s