22, მაისი 2017 20:01:00
ბათუმის მერია საქართველოს დამოუკიდებლობის დღის აღსანიშნავად ემზადება. პროგრამის მიხედვით, 26 მაისს დილიდან ქართველ მებრძოლთა საფლავების ყვავილებით შემკობაა დაგეგმილი, საიდანაც ღონისძიებები ევროპის მოედანზე გადაინაცვლებს. აქვე მოეწყობა 26 მაისის მოვლენების ამსახველი ფოტოგამოფენაც. დღის ბოლოს კი ქართველი ცნობილი მომღერლების მონაწილეობით გალაკონცერტი გაიმართება. ღონისძიებების ორგანიზებისთვის ქალაქის ბიუჯეტიდან 74 ათასი ლარი დაიხარჯება. აქტივობებს ტენდერში გამარჯვებული კომპანია „მარკა“ განახორციელებს.