13, მარტი 2020 15:09:00
საქართველოს პრემიერ-მინისტრმა ეკონომიკური გუნდის, ეროვნული ბანკისა და საბანკო სექტორის წარმომადგენლებთან, ეკონომიკური სტიმულირების გეგმა განიხილა. სამუშაო შეხვედრაზე, რომელიც მინისტრთა კაბინეტის ადმინისტრაციაში გაიმართა, მთავრობის, ეროვნული ბანკისა და საბანკო სექტორის ერთობლივ, კოორდინირებულ ნაბიჯებზე იმსჯელეს, რომელმაც ხელი ეკონომიკაზე კორონავირუსის გავრცელების ნეგატიური ზემოქმედების შემსუბუქებას უნდა შეუწყოს. უკვე მიღწეულია შეთანხმება, ფისკალური სტიმულირების ღონისძიებების მიმართულებით, ასევე, გარკვეული საგადასახადო შეღავათების დაწესებაზე ყველაზე მოწყვლადი სექტორებისათვის.