12, მარტი 2020 16:10:00
ბათუმის შოთა რუსთაველის სახელმწიფო უნივერსიტეტი დისტანციური სწავლების რეჟიმზე გადადის. ამის შესახებ განცხადება, სასწავლებლის რექტორმა, მერაბ ხალვაშმა, გააკეთა. ბსუ-ში ელექტრონულ სისტემას ახალი ონლაინ პორტალი დაემატა, სადაც თეორიული მასალა და დავალებები სრულად აიტვირთება. კორონავირუსის გავრცელების პრევენციის გამო, მთავრობის გადაწყვეტილებით, სასწავლო პროცესი პირველ აპრილამდე გადაიდო. ცნობისთვის, აჭარაში მოქმედი სხვა უმაღლესი სასწავლებლებიც, ონლაინ სწავლების რეჟიმზე გადადიან.