09, მარტი 2020 22:23:00
ამერიკის შეერთებული შტატების საელჩოს საგრანტო კონკურსის - „თემის ელჩები“- ს გამარჯვებულები აჭარაში, ხულოს მუნიციპალიტეტის საჯარო სკოლის მოსწავლეები გახდნენ. ხუთი მოსწავლის მიერ წარდგენილმა იდეამ საელჩოსაგან, 4 ათასი ამერიკული დოლარის გრანტი მოიპოვა.
ოთხი სხვადასხვა სკოლის ხუთი მოსწავლის მიერ წარდგენილი იდეა, რომელიც დაბა ხულოში, საგანმანათლებლო ცენტრის გახსნასა და მთიანეთში მცხოვრები ახალგაზრდებისთვის, არაფორმალური განათლების მისაღებად საჭირო ტრენინგ-სემინარების ჩატარებას ითვალისწინებდა საელჩოსაგან 4 ათასი ამერიკული დოლარის დაფინანსება მოიპოვა.
საელჩოს, საზოგადოებრივ საქმეთა სექციის საგრანტო პროექტის ფარგლებში დაფინანსებული პროექტით, ცენტრი მუნიციპალიტეტის თვითმართველობისა და საელჩოს წარმომადგენლებმა გახსნეს, მანამდე კი ხულოს კულტურის ცენტრში, ადგილობრივების მიერ გაკეთებული ხალხური რეწვისა და ქარგვის ნიმუშებიც დაათვალიერეს.
ცენტრის გახსნაზე, საეჩოს საზოგადოებრივ საქმეთა სექციის ოფიცერმა, არაფორმალური განათლების მნიშვნელობაზე ისაუბრა. ქეთრინ შვაიცერის თქმით, პირველ ეტაპზე ხუთი პროგრამა განხორციელდება.
ახალგაზრდული პლატფორმის დაფუძნებაში თანამონაწილეობა ადგილობრივმა თვითმართველობამაც მიიღო და საგანმანათლებლო სივრცისთვის, კოსმეტიკური სამუშაოების განსახორციელებლად თანხა ადგილობრივი ბიუჯეტიდან გამოყო. ამერიკული გრანტიდან კი თანხის ნაწილი ტექნიკის შეძენას მოხმარდა, ნაწილი კი ხუთი სასწავლო მოდულის განხორციელებას.