09, მარტი 2020 18:57:00
საქართველოს გენერალური პროკურატურის ინფორმაციით, განსაკუთრებით დიდი ოდენობის ქრთამის აღების ფაქტზე თბილისში, დიდუბე-ჩუღურეთის რაიონული პროკურატურის პროკურორი დააკავეს. გამოძიებით დადგინდა, რომ ბრალდებულმა მოქალაქეს საპროცესო შეთანხმების გაფორმების სანაცვლოდ 50 ათასი ლარი მოსთხოვა. ბრალის დამტკიცების შემთხვევაში დაკავებულს 11-დან 15 წლამდე ვადით თავისუფლების აღკვეთა ემუქრება.