26, მარტი 2020 17:52:00
აჭარის მუნიციპალიტეტებში მოქმედ სამედიცინო ამბულატორიებს მედიკამენტები გადაეცათ. აჭარის მთავრობამ და ჯანდაცვის სამინისტრომ მათ ის პრეპარატები მიაწოდა, რომლებიც ყველაზე ხშირად მოხმარებადი მედიკამენტების ნუსხაში შევიდა. წამლები მოწყვლად ჯგუფებს: შეზღუდული შესაძლებლობის მქონე პირებს, მარტოხელა პენსიონერებსა და სიცოცხლისთვის საშიში დაავადებების მქონე პირებს მოხმარდება. პრეპარატებთან ერთად, მუნიციპალიტეტის მერიის ჩართულობით, ამბულატორიებს ასევე პირბადეები, ხალათები და სადეზინფექციო ხსნარები გადასცა.