კოვიდ19-ის მსოფლიოს 60 ქვეყანაში გავრცელებამ და ვირუსის შედეგად 3 ათასამდე ადამიანის გარდაცვალებამ ეკონომიკის დარგების უმეტესობაზე უარყოფითი გავლენა მოახდინა. მათ შორის ერთ-ერთია ტურიზმი, რომლის წილიც მსოფლიო ეკონომიკაში ყოველწლიურად იზრდება და მასში მილიონობით ადამიანია დასაქმებული. აღნიშნულის გამო, შემოსავლის გარეშე დარჩნენ გიდები. როგორ უნდა გააგრძელონ არსებობა ანაზღაურების გარეშე? და ვის ეკისრება პასუხისმგებლობა შექმნილ ვითარებაში? აღმოჩნდა, რომ ტურისზმის დეპარტამენტს ანტიკრიზისული გეგმა ამ დრომდე არ აქვს შემუშავებული.
დაკეტილი მუზეუმები, დაცარიელებული ქალაქი და შემოსავლის გარეშე დარჩენილი გიდები. რა ზომებს უნდა მიმართონ ექსკურსიამძღოლებმა, რომლებიც თავს ამ საქმით ირჩენენ, კითხვები უპასუხოდ აქვთ.
კორონავირუსის პანდემიის მიზეზით, ქალაქი ტურისტებისგან რომ უკვე დაცლილია და ვიზიტორების სიმრავლე არც ზაფხულში იქნება, ტურიზმში დასაქმებულებს ეჭვი არ ეპარებათ. გიდი, რუსუდან ჩიტაძე ამბობს, რომ ორგანიზაციამ, სადაც თავად მუშაობს, ჯერ კიდევ ვერ შეიმუშავა გეგმა, როგორ გადაურჩეს გაკოტრებას, ან როგორ გადაუხადოს ხელფასი თანამშრომლებს.
„ტურიზმის ინსტიტუტი“-ს აღმასრულებელი დირექტორი შექმნილ მდგომარეობაში პასუხისგებლობას სახელმწიფოს აკისრებს. მამუკა ბერძენიშვილი ამბობს, რომ სტრატეგიული გეგმა სწორედ ხელისუფლებამ უნდა შეიმუშაოს.
დღეს პრიორიტეტი რომ ვირუსის სტაგნაციისთვის ბრძოლაა, სადაო არავისთვისაა, თუმცა ისიც ცხადია, რომ პასუხისმგებელი რგოლები პარალელურად ეკონომიკური რისკების დაძლევაზეც უნდა ფიქრობდნენ. რა ალტერნატიული გეგმები განიხილება აჭარის ტურიზმის დეპარამენტში - უწყებიდან პასუხი მხოლოდ სმს შეტყობინებით მივიღეთ. პრეს-სამსახური გვწერს, რომ აჭარის ტურიზმის დეპარტამენტი ანტიკრიზისულ გეგმაზე, ტურიზმის ეროვნულ ადმინისტრაციასა და საქართველოს ეკონომიკის სამინისტროსთან ერთად მუშაობს.
4
s
s
s